فارس وريم ( حلقااات لوول ) تستاهل القراءة

الحلقة 12


واصــــــل الكظمــي بفتقــــته وهد الصواريخ

وكل چذبـــــة من سرعتها توصل إلى المريخ

يعني مثـــــل كظُّــــــوم ما تلقى في التاريخ

شليـــــخ قبله وبعده ماحــــــد كفــــــو شليخ
****

قال: انـــا ياريــــــــم ادري فاجئتـــــش بأمـري

بس ويش اسوي ضاق من هالعيشة صـدري

مو مسألـــــة حاجـــــــه ولا أشكي من فقـري

لكن الوحـــــــــدة قاتلـــــــة وتاكل في عمـري
****

رغم إني حبيتـــــش وحبيتيــــــــني صگ موت

بس ما أحس حبــــــــنا يتحرك متـــــــــر لو فوت

يعني اسمحــي لي هالعلاقـــــــة زمن موقوت

دام انها مختصرة على الشاشه وعلى الصوت
****

قلبــــــي مثل قلبـــــش ترى بالشـــــوق ينبض

ما ودي أطلـــــب منــــش اكثــــــــــــر ولا أفرض

بس شــــوق ومابعــــده لقـــــــــاء شوي يعوُّض

هذا عــــــــذاب وصبـــــــره مايســــــوى ويمرُّض
****

من صغري كنــــت اتمنى وحدة طيبــــة مثلش

وصدقيني ماشفـــت انا شمس اخلاص قبلش

والى الأبـــــــد وسط القــــــــــلب يبقى محلش

بس الله مو كاتــــــــــب لي أتهنى في وصلش
****

إنتي أصيـــــله ومخلصة ومـــا منـــــش اقصور

وكل فعل منش طيـــــــــب ومن قلبي مشكور

ومالي ترى حق شوفتـــش أطلبهـــــــــا بالزور

كل واحــــــــد بنفسه يضل حر ماهـــــــو مجبور
****

ويمكن أنـــــا لو شفتــــــــش اتغيـــــــــــر قراري

واختلف رايي شويــــــــة واتبـــــــــدل ومساري

وعفت السفر والطلعـــة من ديرتــــــــي وداري

يمكـــــــــن ويمكــــــــــن يحلى صبري وانتظاري
****


( ياعلي .. موعادي ترى الكظمي في التمثيل! )

إسمعه يحچي اتقول دارس چــــــذب وتحليــل؟!

لوعلى الجذبة تمشي فاتــــــورة بالتأجيـــــــــل

قطعو الكظمي فودا فـــــون ... اشيدفع البيل